يسلموا خي على الموضوع
وبالفعل هو بيستحق النقاش
اولا .. بنت النت بتفرق من حد لحد يعني انا ما بستعمل النت متل غيري وغيري ما بيستعمله متلي ,,, يعني انه ممكن فتيات تستعمله بطريقة خطأ وبطريقة مش صحيحة وهيدي بنقال عنها بنت نت وهيك شي ... وبالنصف الثاني في بنات بيستعملوا النت بطريقة منيحة .. بيستفيدوا منه وبيستفيد غيرها منه .. يعني هلأ متل ما قلت بالقصة انه هي قالتله اي وما كزبت على خطيبها بانها هي نفس البنت .. يعني لو هي عاملة شي خطأ كان كزبت عليه ..
وانا على حد علمي
... مشاءلله ما في حدا لهلأ ان كان شب او صبية ما بيستعمل النت
بغض النظر عن العمر .. لانه بتلاقي اعمار مختلفة بتحب قعدة النت الخ
تاني شي بالنسبة لاسئلتك ..
1
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
هي بنت متلها متل غيرها ... واكيد في اختلاف بين البنات .. مو كلهم متل بعض
- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
اكيد لا .. وهيدا التفكير سلبي .. صحيح هو متواجد لهلأ بس بتلاقي اي بنت فيها تحكي مع اي شب .. مثلا ان ما كان على النت بكون بالحياة الطبيعية .. بالجامعة بالمدرسة عند البياع حتي ... وبالاخر هيدا بيرجع لطريقة البنت واخلاقها ومبادئها .
- 3 -
بنظركم ،، هل كل فتاة تستخدم النت لابد أن يكون لها صديق ؟
من وجهة نظري اي .. مو شرط يكون صديق يعني تضحك معه وتحكي معه بطلاقة
ممكن يكون رفيق متل اخوها .. ويكون الكلام بينهم لحد معين
- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
لكل شغلة شي منيح وشي مو منيح
يعني لو البنت تمسكت باخلاقها ومبادئها ما بظن راح تسئ استخدامها للنت وكل بنت بتعرف وين الصح ووين الغلط
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
لما النت ياثر عليها بشكل سلبي
يعني لما تشوف حالها بلشت تستخدمه بطريقة فيها جرح لحياءها اولا وجرح لحياتها كلها
تحياتي
ميار